تصویریں
digg it
del.icio.usصابر ؔ کھیڑ لوی
درد گر مرے دِل کو اختلاج رکھتا ہے
زہر جیسے کہ تاثیرِ علاج رکھتا ہے
آج اُس سے مل کر یوں احساس ہوا مجھ کو
پھول ہے مگر کانٹوں سا مزاج رکھتا ہے
عکس جس میں سب کے کردار کا اُبھر تا ہے
ایسا آئینہ ہاتھوں میں سماج رکھتا ہے
سُرخرو یہاں ہوتا ہے سدا وہی انساں
عمر بھر جو کہ کل کی فکر آج رکھتا ہے
انتشارقدروں کا جب یہاں چلن ٹھرے
کون پھر خیالِ رسم و رواج رکھتا ہے
بے قرار رہتی ہیں ایک اک کرن صاؔبر
جب تلک اُفق مُٹّھی میں سراج رکھتا ہے
